Башҡорт яҙыусылары – кескәйҙәргә

Китапхананың балалар мөйөшөндә “Башҡорт яҙыусылары – кескәйҙәргә” тип аталған яңы китаптарға байҡау сәғәте үтте. Сарала шағирә З. Исламова, З. Кашапова, Г. Ситдикова, Р. Шәмсетдинова, З. Үтәғолова кеүек яҙыусыларҙың балалар өсөн яҙған китаптары менән таныштыҡ. Балалар шиғырҙар һәм хикәйәләрҙән өҙөктәр тыңланы. “Бәпембә балалары” тигән башҡорт халыҡ әкиәтен уҡыныҡ. Земфира Сәхипова тәҡдим иткән йомаҡтарға яуаптар эҙләнек. Балаларға уҡыу һәм белем өлкәһендә уңыштар теләнек. Сара ҡыҙыҡлы һәм фәһемле үтте.