ЗАМАНА ЙЫРСЫҺЫ

15 июлдә танылған башҡорт шағиры һәм яҙыусыһы, журналист һәм публицист Ирек Кинйәбулатовтың тыуыуына 85 йыл (1938 – 2016).
Ирек Лотфый улы Кинйәбулатов 1938 йылдың 15 июлендә Башҡорт АССР -ы Ҡырмыҫҡалы районының Абдулла ауылында тыуған.
Ул – Башҡортостан Республикаһының атҡаҙанған мәҙәниәт хеҙмәткәре (2001), Салауат Юлаев исемендәге дәүләт премияһы (2008), Салауат Юлаев ордены (2014) һәм бик күп әҙәби премиялар лауреаты.
Тәүге шиғри йыйынтығы “Баҫыу юлы”(1970) менән үҙен лирик шағир итеп танытҡан әҙип. Донъя күргән китаптары:
“Һөйөү иртәһе”, “Ғүмер китабы”, “Замана тауышы”, “Мин башҡорт “,”Мөхәббәт таңы” һ.б. йыйынтыҡтары.
*Арғымаҡта” тип аталған донъя, тарих, халыҡ яҙмышы хаҡында уйланыуҙар китабы бөгөнгө башҡорт поэзияһында айырым урын алып тора.
Лирик шағирҙың тиҫтәләгән әҫәрҙәренә республикабыҙҙың билдәле композиторҙары Абрар Ғабдрахманов, Нур Дауытов һәм башҡалар ижад иткән йырҙарҙың күбеһе популярға әйләнгән. Уның әҫәрҙәре рус, украин, нимес, төрөк һәм башҡа телдәргә тәржемә ителгән.
Китапхананың уҡыу залы Ирек Кинйәбулатовтың тыуыуына 85 йыл тулыу айҡанлы ” Замана йырсыһы” китап күргәҙмәһен тәҡдим итә. Унда һеҙ уның тормош юлы һәм ижады менән таныша алаһығыҙ.