Китап күргәҙмәһе “Куңелемдә – ил тойғоһо”
Рәшит Шәкүр – арҙаҡлы шағир, прозаик, публицист һәм ғалим-энциклопедист.
Китапхананың уҡыу залында уның ижадына арналған “Куңелендә – ил тойғоһо” китап күргәҙмәһе йошторолдо.
Рәшит Шәкүрҙең «Һайланма әҫәрҙәр”енең 1 томына шиғырҙары, йырҙары, шиғри хикәйәттәре, ҡиссалары, поэмалары, шағирҙың ижады хаҡында ҡәләмдәштәренең мәҡәләләренән өҙөктәр һәм уға арналған шиғырҙар индерелгән.
«Һайланма әҫәрҙәр»енең 2-се томына әҙәбиәт, сәнғәт һәм фән эшмәкәрҙәре тураһындағы ижади портреттары, үҙ ваҡытында гәзит-журналдарҙа баҫылып сыҡҡан интервьюлары индерелгән.
Кесе һәм урта йәштәге мәктәп уҡыусыларына шиғырҙар һәм хикәйәттәрҙән торған “Малин- ҡала» китабы ла бар. Китап уҡыусы «Скрипка моңо» исемле яңы поэмаһы менән дә таныша ала.
Алһыу уйҙар
Һаумыһығыҙ, алһыу алыҫлыҡтар,
Алһыу донъя, алһыу хыялдар,
Уйҙарымдың алһыу йондоҙҙары –
Беҙҙәрҙән һуң тыуыр туғандар!
Һаумы, һаумы, иртәгәге көнөм,
Алһыуланып атыр таңдарым.
Күңелемдең алһыу хозурлығы –
Далаларым минең, тауҙарым!
Һаумы, ерҙә алһыу хыялдарға,
Алһыу уйға, хискә тоғролоҡ!
Тоғролоҡҡа тоғро булып ҡалыу
Батырлыҡҡа йәнәш торорлоҡ.
(1970, 1981)